شاندەکێ زانکۆیا زاخۆ سەرەدانا لابورێن فیزیکی ل وەڵاتێ بریتانیا کر

Published Date: Sunday, 27 October 2024, 17:29

سەرۆکێ پشکا فیزیک بەرێز (پ.هـ.د. دلیر عادل جمیل) و لگەلدا قوتابیێ وی یێ خواندنا دکتۆرایێ (م. محمد کاظم سلیمان) سەرەدانا لابورێن پشکا فیزیک ل زانکۆیا نوتینگهام ل وەلاتێ بریتانیا کر و ژلایێ بەرێز (پ.د. محمد هنینی) مامۆستا و ڕێڤەبەرێ ئوفیسا قوتابیێن نیڤدەولەتی ل زانکۆیا نوتینگهام ڤە هاتنە پێشوازیکرن و د ڕوینشتنەکێدا چەندین بابەتێن گرنگ و زانستی هاتنە گەنگەشەکرن، وەک: چاوانیا پێشڤەبرنا ئاستێ ڤەکۆلینان ل زانکۆیا زاخۆ، ئەنجامدانا ڤەکۆلینێن زانستی دناڤبەرا هەردۆک زانکۆیان دا، بەڵاڤکرنا وان ڤەکۆلینان ل گۆڤارێن نیڤدەولەتی یێن ئاست بلند و خودان ئیمپاکت فاکتەرێن بلند، هەروەسا وەرگرتنا قوتابیێن خواندنا بلند ل پاشەڕۆژێ دا و هاریکاری و هەماهەنگی د هەمی ئەوان کارێن کۆ د خزمەت و بەرژەوەندیا هەردۆک زانکۆیاندا بیت.
ل دوماهیێ قوتابیێ ناڤبری ب چاڤدێریا سەرپەرشتێ خۆ شیا چەندین زانیاریێن باش و هویر ل سەر ئەوان سەمپڵێن ناما خۆ یا دکتۆرایێ ئەنجام بدەت.